कोभिड १९ ब्यबस्थापनमा एनआरएनए एनसीसी पोल्याण्डका गतिविधिहरु
गैरआवासीय नेपाली संघ राष्ट्रिय समन्वय परिषद (एनआरएनए एनसीसी) पोल्याण्डले कोरना भाइरस (कोभिड १९) महामारीको ब्यबस्थापनका लागि गतिबिधिहरु गरिरहेको छ । गैरआवासीय नेपाली संघ अन्तर्राष्ट्रिय समन्वय परिषद मार्फत कोरना विरुद्ध लड्नका लागि नेपाल सरकारलाई सहयोग गर्ने प्रतिबद्धता र विभिन्न मुलुकमा रहेका नेपालिहरुलाई यो माहामारीबाट बचाउन संघका एनसीसीहरुले गर्नुपर्ने विभिन्न सचेतना, साबधानी र सहयोगका कदमहरु साथै सम्बन्धित मुलुकमा रहेका नेपालीहरुको अवस्था जानकारी बारे प्राप्त सर्कुलर अन्तर्गत एनआरएनए एनसीसी पोल्याण्डले निम्न अनुसारको गतिविधिहरु गरिरहेको जानकारी गराउदछौ।
- एनआरएनए एनसीसी पोल्याण्डको अध्यक्ष नरेस सापकोटाको संयोजकत्वमा गठित कोरोना आपतकालीन मुल सहयोग समितीले नेपाल सरकार नेपाली दूतावास आइसिसी, WHO र विभिन्न स्वास्थ संस्थाहरुबाट तयार पारिएको कोरोना भाइरसका लक्षण र यशबाट बच्ने उपायहरुका लेख, पोष्टर, भिडियो संस्थाको पेजबाट ब्यापक प्रचार गरियो।
- तीस हजार ज्योल्ती (करिब ९ लाख) को कोरोना आपतकालीन आकस्मिक कोष खडा गरिएको छ।
- एनआरएनए एनसीसी पोल्याण्डको पहलमा पोल्याण्डमा रहेको विभिन्न नेपाली संघ-सस्थाहरुसँग समन्वय गरेर सर्बपक्षिय कोरोना आपतकालीन समन्वय समिती बनाइएको छ।
- कोरोना भाइरस नियन्त्रणमा पोल्याण्ड सरकारले चालेका विभिन्न साबधानी कदमहरु पालाना गराउन एनआरएनए एनसीसी पोल्याण्डका प्रतिनिधिहरुले नेपाली समुदायमा सु-सुचित गर्ने कार्य गरिरहनु भएको छ ।
- पोल्याण्डमा अध्यन गर्ने नेपाली बिद्यार्थीको बारेमा जानकारी लिएर आबस्यक सहयोग गरिएको छ।
- राहातको कार्यक्रम अन्तर्गत खाद्यान्न बितरण गरिएको छ। कम्तीमा प्रतिव्यक्ति १० दिनको लागि पुग्ने बिग्तरण गरिएको छ ।