युरोप क्षेत्रमा नेपाली स्वास्थ्य टिम गठन
१६ मई २०२० ।
युरोप क्षेत्रमा संघका अन्तर्राष्ट्रिय समन्वय परिषद्का सदस्य डा. बोधाराज सुवेदीको संयोजकत्वमा नेपाली स्वास्थ्य टिम गठन भएको छ । यस टिममा युरोप क्षेत्रमा रहनु भएका नेपाली चिकित्सक तथा स्वास्थ्य कर्मीहरु रहनु भएको छ । यसले संघको स्वास्थ्य समिति संग सकार्य र समन्वय गरेर आफ्ना कार्यहरु गर्ने छ ।
यसै सन्दर्भमा यस युरोपियन नेपाली स्वास्थ्य टिमको पहिलो अनलाइन बैठक सम्पन भएको छ । बैठकमा मुख्यतया संसारभरी महामारी रुप लिएको कोभिड १९ कारण प्रभावित नेपालीहरु बारे छलफल भएको थियो । यस बैठकले संक्रमित नेपालीहरुको अवस्था बारे जानकारी र संक्रमण बाट बच्नको लागि भावी रणनीति तयार गर्नेमा योजना बनाउने निर्णय गरेको छ । बैठकमा सहभागी हुनु भएका विज्ञहरुलाइ कोभिड १९ को रोकथामा बारे आआफ्नो विचार राख्नु भएको थियो ।
बैठकमा डा शम्मु आचार्य, डा. सुनिल साह र डा. दिलिप यादव – युके, डा. बोधराज सुवेदी र डा. अलिनि सुवेदी – पोल्याण्ड, प्रो. गणेश आचार्य – स्वीडेन, डा. सुरज थापा, डा. मनोहर प्रधान र डा. दिपक सापकोटा – नर्वे, डा. महेश अधिकारी र डा. मनोज बस्नेत – फिनल्याण्ड, डा. राजु श्रीवास्तव– बेल्जियम, डा. प्रविण यादव – जर्मनी, डा. अनिल कुमार दास – इटाली र यसै गरी अमेरीका क्षेत्रबाट स्वास्थ्य समितिका सभापति डा संजिव सापकोटा, नर्सहरुमा सुवद्रा लामा र सरला सापकोटा – स्पेन र कृष्ण प्रसाद शिवाकोटी – स्विटजरल्याण र स्लोभाकिया बाट स्वास्थ्य सहायक जय प्रसाद शिवाकोटीको सहभागीता रहेको थियो ।
स्वास्थ्य समिति
गैरआवासीय नेपाली संघ