स्वास्थ्य तथा जनसख्या मन्त्रीसंग कोरोना तथा रक्तसंचारको बारेमा छलफल
गैरआवासीय नेपाली संघको एक टोलिले मिति ५ मार्चका दिन स्वास्थ्य तथा जनसंख्या मन्त्री माननीय श्री भानुभक्त ढकालसंग भेटेर COVID-19 (कोरोना) र रक्तासंचारको बारेमा छलफल गरेको छ । COVID-19 (कोरोना भाईरसको कारणले लाग्ने) रोगको रोकथाम तथा संक्रमण हुन नदिन नेपाल सरकारलाई केहि सहयोग चाहिएमा गैरआवासीय नेपाली संघ सधै तत्पर रहेको कुरा उपाध्यक्ष सोनाम लामाले जानकारी गराउनु भयो । वैदेशिक रोजगारमा जानेहरुलाई कोरोना भाईरसको बारेमा जानकारी दिन स्वयंसेवक परिचालन गर्न संघ तयार रहेको र सो को लागि अनुमति दिनका लागि सो टोलीले अनुरोध गरेको थियो ।
त्यसै गरी, सचिव गौरी राज जोशीले चितवनमा घुम्ती रक्तसंचार बैंक (बस) दिने र रक्तसंचार बैंक तथा अनुसन्धान केन्द्र बनाउने कुराको जानकरी गराउनु भयो र यसमा सरकारसंग मिलेर अगाडी बढ्ने कुरा पनि जनाउनु भयो ।
मुलुकलाई कठिनाई पर्दा गैरआवासीय नेपाली संघले देखाएको चासोको प्रसंसा गर्दै ढकालले स्वास्थ्य तथा जनसंख्या मन्त्रालयलाई कुनै सहयोग चाहिएमा महेन्द्र प्रसाद श्रेष्ठ, प्रमुख, स्वास्थ्य संयोजन विभाग, स्वास्थ्य तथा जनसंख्या मन्त्रालयले खबर र संयोजन गर्ने जानकारी गराउनु भयो । रक्तसंचार क्षेत्रमा संघले गर्न लागेको कार्य उदाहरणीय रहेको र सरकारले सकेसम्म सहयोग र संयोजन गर्ने प्रतिबद्धता गर्नुभएको थियो ।
सो बैठकमा संघको तर्फबाट सहकोषाध्यक्ष लोक प्रसाद दाहाल, प्रमुख कार्यकरी अधिकृत हेमन्त दबाडी लगायतको सहभागिता रहेको थियो ।
सचिवालय
गैरआवासीय नेपाली संघ